|
 
- 帖子
- 12652
- 積分
- 13557
- 性別
- 男
- 在線時間
- 1271 小時
- 註冊時間
- 2009-6-14
- 最後登錄
- 2010-7-8
|
[轉載] 成報 (14-7-2009)
諾在其中: 馮諾嘉
黃汝安馬房下季有人事變動，繼早前馬會安排何敬森去安廐擔任副練之後，洪國興亦獲發二級副練牌照，下季一齊去幫黃汝安手。事實上，二級副練待遇唔算太優厚，因為佢哋只係有底薪，並冇獎金分配，反而副練、騎馬人同馬伕都有獎金分，若然每月馬房贏得足夠數目嘅頭馬，騎馬人嘅人工分分鐘可以高過二級副練。
其實馬會以往亦曾經諗過取消二級副練呢個職位，但由於唔係每個馬房嘅練馬師同副練都咁合拍，所以最後並冇成事。睇番以往幾季，幾乎都有副練調任嘅情況出現，據知候任副練先要響內部面試及格，然後再要得到被調配馬房嘅倉主同意，先至可以調任。換句話講，如果副練想調往某馬房，就要主動向該位練馬師「敲門」，得到倉主同意之後，再經過馬會內部審批，先至可以成事。
上述方法無疑係有啲過時，但暫時的確並冇更完善嘅方法。然而，響呢種生態環境之下，往往會令到一批被馬會提升嘅副練不受重用，練馬師亦想另覓人選，所以好多時某啲副練做咗一季，下季就會自行物色其他馬房調任，而有人調任嘅同時，亦會有人被辭去。
好似文家良來季將會用徐貴良做副練，而原有嘅李兆錚就要自行搵新東家，亦係由於呢個原因，二級副練呢個職位至今仍保存。馬會方面亦表明，洪國興下季嘅牌照屆滿之後，將唔會再獲發二級副練牌照，但類似情況以往都有出現過，好似前副練梁偉德同楊偉照咁，退落嚟之後就做咗馬房領班，待遇亦都唔錯。 |
|
發表於 2009-7-14 12:16
|